Festa do Lugnasad / Cedeira - Agosto 2010
FESTA CELTA DO LUGNASAD CEDEIRA 2010
26 - 27 - 28 DE AGOSTO
PROGRAMA
DIA 26 (XOVES): "A QUEIMA DO ESPANTALLO"
Farase un espantallo con roupa vella (só roupa e prendas de vestir). Toda a xente que queira (aínda que non sexan parellas), durante todo o día, pode ir poñendo roupa no Espantallo Á noite (23,00 h.) queimarase o espantallo. Simboliza a cancelación dos matrimonios do ano anterior. As parellas quedan solteiras e poden volver a casar.
¡COLGA NO ESPANTALLO A ROUPA VELLA!
DIA 27 (VENRES): "XOGOS PARA NENOS" e "A NOITE DOS DRUÏDAS"
Polo día actividades propias do poboado, Xogos para os nenos (17,00 h.) e "xornada de reflexión" para aquelas parellas que se van casar. Á noite (23,00 h.) xuntanza dos druïdas para elabora-la "poción máxica".
DIA 28 (SÁBADO): "CELEBRACIÓN DAS VODAS CELTAS"
Pola mañá (12,00 h.) PASARRÚAS ata a vila con Robaleira (escola de gaitas), a Crina (clan ecuestre), os noivos, os diferentes clans, os druïdas, as sacerdotisas e toda a xente que vaia vestida de época.
Pola tarde (17,00 h.): Á BUSCA DO GRIAL (un xogo para nenos) Importante: Tódolos nenos e nenas que queiran participar neste xogo terán que vir vestidos de época.
Á noite (23,00 h.): Celebración das VODAS CELTAS na praia de A Magdalena, á veira do mar, polo druïda Manuel Aneiros "Aneiros dos Ártabros". A continuación Cea Celta para os noivos e Queimada.
NOTA: Dende o luns día 23 comezarase a monta-lo poboado. Tódolos clans de maiores e nenos e nenas (miudinhos) que queiran montar unha cabana deberán inscribirse previamente na oficina de Turismo (no Palacete)
Poboado Celta: para tódolos clans.
Poboado dos Miudinhos: para nenos e nenas.
