Un ritual incerto que se basea en tradicións e elementos vencellados a antigas culturas
redacción > ferrol
Descoñécese como eran as vodas celtas pero para levar adiante este ritual téñense en conta tradicións de Galicia e de Cedeira que están relacionadas con esta cultura e coas lendas artúricas.
O ritual das nove ondas como signo de fertilidade, que se fai en distintos areais do país, resulta moi importante, así como a queimada que deben beber os noivos. Auga e lume danse a man nunha noite moi especial na que, partindo de que homes e mulleres teñen exactamente os mesmos dereitos, e botando man do folclore e dun pouco de imaxinación, cúmprese unha cerimonia que bendí os matrimonios ata o ano vindeiro. Porque, iso si, este vínculo non é de por vida, é para pasar o duro inverno do norte, así que quen o desexe pode volver o ano que vén a renovar os seus votos e continuar coa festa.
link. www.diariodeferrol.com
